ادتاج اتحادیه دمکراتیک ترک آذربایجان جنوبی
گادتب: ۳۱ دئکابر – دونیا آذربایجانلیلارینین همرأی‌لیگی گونودور. دونیا آذربایجانلیلارینین همرأی‌لیگی گونو دئیه‌نده پارچالانمیش آذربایجان تورک میللتی و اونون وطنی آذربایجانین بوتؤولشمه‌سی اوغرون‌دا همری‌لیک و بیرلیک نظرده توتولور. همرأی‌لیک گونئی آذربایجانین موستقیللیگینی برپا ائدیب، بوتؤو آذربایجانین یارانماسی و تورک دونیاسی ایله بیرلیک و بوتؤولویو هدفه‌ین بؤیوک بیر آمال‌دیر. آذربایجان تورک میللتینین همرأی‌لیک گونو ایدئیاسی موستملکه‌چی و ایمپئریالیست دؤولتلرین ایشغال‌چی‌لیق سیاستی ایله پارچالانمیش آذربایجانین و آذربایجان تورک میللتینین بیرلیک و بوتؤولوک آرزوسون‌دان دوغموش‌دور. ۱۹۸۹-جو ایلین سونلارین‌دا آذربایجان تورک میللتینین اؤولادلاری بو بیرلیک، بوتؤولوک و همرأی‌لیک ایسته یینی تاریخه حک ائتمیش‌دیر. قوزئی آذربایجانین ایستیقلالینی برپا ائتمه عرفه‌سین‌ده آذربایجان تورک میللتینین آراز چایی بویونجا تیکان‌لی مفتیللری و سرحد مانعه‌لرینی داغیداراق، حسرت‌ده یاشایان باجی-قارداشلارین گؤروشوب قوجاقلاشماسی، پارچالانمیش آذربایجان تورک میللتینین بیرلشمک ایسته یینین نئجه درین کؤکلره مالیک اولدوغونو بیر داها گؤسترمیش‌دیر. بو ایسه گولوستان و تورکمنچای موقاویله‌سین‌دن یوز ایللر کئچسه ده آذربایجان تورک میللتینین بو پارچالانما ایله باریشمادیغینی گؤستریر. بو واسطه ایله آذربایجانین قوزئیی و گونئیین‌ده یاشایان آذربایجان تورک میللتی اؤز بیرلیک و همرأیلیگینی عمل‌ده گؤستردی و ۳۱ دئکابر – دونیادا آذربایجانلیلارینین همرأی‌لیگی گونو کیمی تاریخه دوشدو.
همرأی‌لیک گونئی آذربایجانین موستقیللیگینی برپا ائدیب، بوتؤو آذربایجانین یارانماسی و تورک دونیاسی ایله بیرلیک و بوتؤولویو برپا ائتمه یی نظرده توتور. بو بؤیوک آمالا اساس مانعه‌لردن بیری آذربایجان تورپاقلارینین بؤیوک بیر حیسه‌سینین ایشغال‌دا قالماسی ایدی. خوشبخت‌لیک‌دن قاراباق و آذربایجانین ایشغال آلتین‌دا اولان اراضیلرینین آزاد ائدیلمه‌سی آرتیق بو مقدس آمالا داها جدی کؤکله‌نمه‌یه شرایط یاراتمیش‌دیر. آرتیق ائرمنی ایشغال‌چیلارین مغلوب ائدیلمه‌سی ایله آذربایجانین گونئیینین ایشغال‌دان آزاد ائدیلیب موستقیللیگینی برپا ائتمه‌سی اساس مانعه کیمی گوند‌م‌ده‌دیر. آذربایجان تورکو بیلمه‌لی‌دیر کی، آذربایجانین بؤیوک حیسه‌سی اولان گونئی آذربایجان تام ایشغال‌دادیر. گونئیین موستقیل‌لیک قازانیب، بوتؤو آذربایجانین یارانماسی بو بیرلیک و همرأی‌لیک بایرامینین گئرچکلشدیگی گون اولاجاق. بو یول‌دا بؤیوک میللی-سیاسی بیرلیک و همرأی‌لیک طلب اولونور. موستقیل آذربایجان دؤولتی ده بو ایستیقامت‌ده اؤز ایراده‌سینی اورتایا قویماق‌دادیر.
گونئی آذربایجان دئموکراتیک تورک بیرلیگی (گادتب) ۳۱ دئکابر – دونیا آذربایجانلیلارینین همرأی‌لیگی گونو موناسیبتیله دونیادا یاشایان بوتون آذربایجان تورکلرینی تبریک ائدیب، بؤیوک میللتیمیزی آذربایجانین حقیقی بوتؤولشمه‌سی اوغرون‌دا سعیلرینی بیرلشدیرمهیه چاغیریر. اینانیریق کی، گونئی آذربایجانین اؤز موستقیللیگینی برپا ائتمه‌سی و بوتؤو آذربایجانین یارانماسی ایله آذربایجانین تورک میللتینین بیرلیک و بوتؤولوک ایسته یی گئرچکلشه‌جک. سؤزسوز کی، میللتیمیزین و وطنیمیزین عمل‌ده تام بوتؤولشمه‌سی اوغرون‌دا بیرلیک‌ده موباریزه آپارماق هر بیر آذربایجان تورکونون وظیفه‌سی‌دیر و گادتب بو ایستیقامت‌ده اؤز فعالیتینه داوام ائد‌رک، بؤیوک میللتیمیزی آذربایجانین حقیقی بوتؤولشمه‌سی اوغرون‌دا سعیلرینی بیرلشدیرمهیه و همرأی اولماغا چاغیریر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
