گادتب: آزربایجانین قهرمان اوردوسونون ایشغال اولونموش توپراقلاریمیزی ایشغالدان بیر-بیر آزاد ائدهرک، موظفر یورویوشو هر بیر تورکو اؤزللیکله ده آذربایجان تورکونو غرورلاندیریب سئوینجینه سبب اولموشدور. اونوتمایاق کی، آذربایجان بو ساواشدا تکجه ائرمنیستانلا دئییل ایران ایشغال رئژیمی، روس ایمپئریالیزمی، فرانسا کیمی تورک دوشمنلری ایله ساواشیردی. اونلار بیرباشا ائرمنیستانا مادی-معنوی و سلاح یاردیمی ائدیردیلر، ائلهجه بوتون دونیا مئدیاسی آزربایجانین علئیهینه و غرضلی فعالیت گؤستریردی. آذربایجان دیره نه رک ساواشدی و آغیر یوللاردان کئچهرک بو غلبهیه چاتدی. روس اوردوسو 90 دقیقهیه موداخیله ائدهرک ساواشین طالعیینی دییشدرمهیه چالیشسا دا، آنجاق آزربایجانین دیک دوروشو، اؤزللیکله ده تورکیهنین کسکین مؤوقعیی روسیانین بو پلانینین قارشیندا دایاندی. اوردوموز تورپاقلاریمیزین سون قاریشینادک آزاد ائدهجک عزم و ایسته یی نوماییش ائتدیرهرک، ایصرارلا بوتون ایشغال قوهلرینی قیسا زاماندا آذربایجان اراضیسینی ترک ائتمک مجبوریتینده بوراخدی.
آذربایجان بو وطن محاربهسینده تک یومروق اولاراق، دونیانین باسقیلارینا باخمایاراق بو غلبه نی قازاندی. ایگید عسگرلریمیز گؤزونو قیرپمادان اؤلومه یورویهرک، آنالار گؤزونو قیرپمادان اؤولادلارینی شهادته گؤندرهرک، عالی باش کوماندان گؤزونو قیرپمادان بوتون باسقیلارا سینه گرهرک دیک دوروشو ایله بو نائیلیتلره اولاشدیق.
اگر 10 میلیونلوق قوزئی آذربایجان دونیایا میدان اوخویوب و 30 ایللیک ایشغالی 30 گونده آرادان قالدیریبسا، بیز 35 میلیون گونئی آذربایجان تورکلری دونیانین نیفرتینه توش گلیب ایزوله ائدیلمیش، سانکسیالارلا ضعیفله دیلمیش و داغیلماغا دوغرو گئدن ایران رئژیمینی ایتی قووان کیمی قوووب تورپاقلاریمیزی ایشغالدان آزاد ائدیب گونئی آذربایجان موستقیل دؤولتینی قوروب بوتؤو آذربایجانا دوغرو آددیملامالیییق.
خاطیرلاداق کی، بیر چیخیشیمیزلا ایران ایشغال رئژیمینی 30 ایللیک ائرمنی دسته یینه توبه نامه یازماسینا قدر گئری اوتورتدوق. عینی ایراده ایله اونو قوووب تورپاقلاریمیزدان چیاخارا بیله ریک. بونا ثبوتوموز دا تورپاقلاریمیزی 30 ایل ایشغال ائدیب ائرمنیستانلاشدیرماق جهدینی 30 گونده آلت-اوست ائتمه ییمیزدیر. بیز ده ایرانین گونئی آذربایجانی ایرانلاشدیرما چاباسینی یئنیب، ایشغالچی ایرانی ایتی قووان کیمی قوووب تورپاقلاریمیزدان چیخارا بیلریک.
ظفر بیزیمدیر!
گونئی آذربایجان ایستیقلالچیلار بیرلیگی (گایب)