GADTB Güney Azərbaycan Demokratik Türk Birliyi
GADTB: Bu gün 29 oktyabr Türk Dünyasının güclü ölkəsi və dünya türklərinin ümid yeri – Türkiyədə Cümhuriyyət Günü qeyd edilir.
Dünyanın böyük dövlətlərinin Osmanlı dövlətinə hər tərəfdən hücuma keçməsi I Dünya müharibəsində böyük türk dövlətinin böyük hissəsinin işğalı ilə nəticələndi. Lakin Mustafa Kamal Atatürkün öndərliyində 1919-cu ilə mayın 19-da milli-qurtuluş savaşı başlandı. Türkiyə dövlətinin banisi Mustafa Kamal Atatürkün öndərliyi ilə Türkiyə türk milləti milli mücadilənin nəticəsi olaraq 1923-cü il oktyabrın 29-da indiki Türkiyə Cümhuriyyəti elan olunub.
Türk Dünyasının böyük dövləti və türklərin ümid yeri Türkiyənin Cümhuriyyət bayramının təkcə Türkiyənin türk millətinin deyil, bütün dünya türklərinin bayramı olduğu kimsədə şübhə doğurmur. Güney Azərbaycan Demokratik Türk Birliyi (GADTB) bu bayram münasibətilə Türkiyə dövlətini, türk millətini və ümumiyyətlə Türk Dünyasını təbrik edib və Türkiyənin daha da güclənməsini arzu edir. Güney Azərbaycan Türk Cümhuriyyətinin yaranması millətimizin və Güney Azərbaycan Demokratik Türk Birliyinin əsas amacıdır və bu istiqamətdə haqlı mübarizəmiz davam edir.
Əjdər Tağızadə
Güney Azərbaycan Demokratik Türk Birliyinin (GADTB) başqanı
