Çərşənbə axşamı , İyul 27 2021
azfa

Güney Azərbaycan İstiqlalçılar Birliyinin (GAİB) Güney Azərbaycan bazarı, əsnaf və tacirlərinə müraciəti

Qəhrman Güney Azrbaycan türk milləti!

Vətənsevər Azərbaycan əsnaf və tacirləri!

100 ilə yaxındır, pəhləvi və sözdə İslam Cümhüriyyəti bütün imkanlarını səfərbər edərək çalışmış, Azərbaycanı iqtisadi, siyasi və ictimai açıdan o qədər geri saxlasın ki, beyin, sərmayə və işçi qüvvəsi köçməyə məcbur qalsın.

Beləliklə, bir yandan millətimizin arasında aşağılıq kompleksi yaradaraq, fars üstünlüyünün qəbul edilməsini asanlaşdırsın və başqa yandan Azrəbaycanımızın geopolitik əhəmmiyyət və demoqrafisini dəyişərək son amaclarına yәni Azərbaycan və Azərbaycan türkünü yox etməyə çatsınlar.

Bu gün milyonlarca Azərbaycan türkünün İran adlanan ölkənin dörd guşəsində yaşamaları, tarixi nədənlərdən çox planlı şəkildə, məcburi köçlərə dayalıdır.

Alnı açıq Azərbaycan milləti!

Şərəfli! Yurdsevər iş adamları, xüsüsilə əsnaf və bazar tacirləri!

40 il insan haqları və beynəlxalq hüququ heçə sayan, terror dövlətinə dönüşən bir sistem hakimiyyətdədir.

Bu rejim irqçi düşüncə və yanlış politikaları sayəsində, özəlliklə iqtisadiyyatda özbaşınalıq və sömürücü məntiqi ilə millətlərin bütün yeraltı və yerüstü sərvətlərin talan edərək, ölkəni şəxsi malikanələri kimi idarə edirlər.

Bu gün beynəlxalq qüvvələrin ağır iqtisadi basqıları və rejimin yanlış siyasəti nəticəsində, ən çox zərər görənlərdən biri də heç şübhəsiz əsnaf və bazardır və təbii olaraq, bu məsələ onların etirazlarına səbəb olacaq.

Azərbaycanın mübarz tacirləri!

Siz tarix boyu hər zaman millətimizin zülm və istibdada qarşı durma və azadlıq istəyinə qatılıb və ön sıralarda savaşaraq, yurdumuzun azadlıq səngəri ünvanı almasında böyük əməkləriniz olmuşdur.

Bu gün tarix və millət sizdən müstəqil şüar və milli istəklər doğrultusunda sinfi mübarzə ilə milli mübarzəni birlikdə yürütmənizi istəyir.

Bu gün sizlərin tətil və etirazlarınız millətimiz və özəlliklə cavanlarımızı daha çox cəsartləndirəcək.

Rejim son nəfəslərin verməkdə, millət milli sərmayənin milli olmasını və millətinin yanında durmasını istəməkdədir.

Heç şübhəsiz tarixdə olduğu kimi yenə istibdad və ədalətsizliyə qarşı millətlə qol-qola olduğunuzu göstərəcəksiniz.

Yaşasın Azərbaycan

Qəhr olsun işğalçı rejimə

Həmçinin yoxlayın

Azərbaycanlı siyasi məhbus Abbas Lisaninin telefon qadağası götürüldü

GADTB-nin Mətbuat Mərkəzinə daxil olan məlumata görə, Güney Azərbaycan şəhərlərində 24 iyun etirazalarıı öncəsi azərbaycanlı …

Təbrizd həbs edilən Hadi Məhəmmədi zaminə buraxıldı, tutulanların bəzisinin siyahısı məlum oldu

GADTB-nin Mətbuat Mərkəzinə daxil olan məlumata görə, Güney Azərbaycanda 24 iyulda keçirilən aksiya zamanı və …

Bir cavab yazın