GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda məşhur azərbaycanlı karikaturaçı və incəsənət xadimi Şəhram Rzayi Ərdəbil-Meşginşəhr ölüm caddəsində kimi tanınan yolda yol qəzasına düşərək həyatını itirib.
Güney Azərbaycanın Ərdəbil şəhərindən olan karikaturaçının avtomobili avqustun 5-də axşam saatlarında Ərdəbildən Meşginşəhrə (Xiyav) gələrkən qəzaya düşüb. Hadisə nəticəsində məşhur sənətkar dünyasını dəyişib.
Tanınmış incəsənət xadimi Şəhram Rzayi həmçinin rəssam, dizayner və universitet müəllimi olub.
Şəhram Rzayi ölkə daxilində və beynəlxalq səviyyədə keçirilən bir çox festivalda iştirak edib və 180-dan çox mükafat qazanıb. O iki il əvvəl karikatur üzrə “Oskar” mükafatına da layiq görülüb.
