GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Vərziğan bölgəsinin Əndirgan kəndinin əhalisi İranın buranın mədənini talamasına etiraz etdi.
Bu məqsədlə sentyabrın 2-də cümə günü əndirganlılar etiraz aksiyası keçirərək buradakı mədənlərin qeyri-standart çıxarılması və talanmasına etirazlarını bildiriblər.
Onlar İran rejiminə etiraz etməklə “Mədən gərək bağlana” şüarı səsləndiriblər.
Qeyd edək ki, Güney Azərbaycan Vərziğan bölgəsində Süngün Mis Mədəni, Əndirgan Qızıl Mədəni və Məzirə Şadi Mədəni yerləşir. Lakin rejim bu mədənləri talayıb və geridə ancaq əhaliyə yoxsulluq və ekoloji fəlakət buraxır.
