GADTB-nin Mətbuat Mərkəzinə daxil olan məlumata görə, Güney Azərbaycanın Təbriz şəhərində bir qrup azərbaycanlı milli-mədəni fəal “12 Şəhrivər Bəyannaməsi”nin qəbul edilməsinin 77-ci ildönümü ilə bağlı şəhərin əksər məhəllələrində posterlər yayıblar.
Əsasən divarlara yapışdırlan posterlərin üzərində “12 Şəhrivər Güney Azərbaycanın təşkilatlanma günü”, “Azərbaycan Demokrat Firqəsi” və “12 Şəhrivər 1324” (1945-3 Sentyabr) şüarları yazılmışdır. Qeyd edək ki, 12 Şəhrivər Bəyannaməsi ilə Güney Azərbaycanda Milli Hökumətin qurulmasına başlanılmışdır.