Güney Azərbaycanda meşəliklər kəsilərək Tehran və Gilan istiqamətinə daşınır

GADTB-nin Mətbuat Mərkəzinə daxil olan məlumata görə, keçən ildən Güney Azərbaycanın meşəliklərinin məhv edilərək ağaclarının qarət edilməsi prosesi kəskinləşib.

Bu il isə yenə Güney Azərbaycanın əksər hissələrinin meşəlikləri kəsilib və ağacları talanaraq farslar yaşayan bölgələrə, xüsusilə Tehran və Gilan vilayətləri istiqamətində Azərbaycandan daşınmaqdadır.

İş o yerə çatıb ki, Güney Azərbaycanın Heyran gədiyinin meşəlikləri kütləvi şəkildə kəsilib və Gilana daşınır.

Artıq Qaradağ, Meginşəhr, Urmiya, Muğan, və s. bölgələrdən ağacların kəsilib yük maşınlarına yüklənərək fars bölgələrinə daşınması adi hala çevrilib. Aşağıdakı şəkillərdə ağacların Heyrandan Gilana və Urmiyadan Tehran istiqamətində daşınması müşahidə edilir.