GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda əhalinin əsas dolanışıq sahələrindən biri olan xalçaçılıq sənayesi ağır duruma salınıb.
Güney Azərbaycanın Zəngan bölgəsində bu sahədə ciddi böhran yaşanır. Xalça və kilim istehsalı mərkəzlərindən biri olan bu bölgə molla rejimin ayrı-seçkilik siyasəti və laqeydliyi üzündən böyük böhranla qarşı-qarşıyadır.
Molla rejimi bu sənayenin canlanması və əhalinin gəlir mənbəyi kimi davam etməsi üçün heç bir addım atmır.
Zəngan əyalətinin Sənaye, Mədən və Ticarət Təşkilatının rəisi Bəhmən Cəfəri bildirib ki, əyalətdə 30 min xalçaçı fəaliyyət göstərir ki, onlardan 85%-i kəndlilərdir. Onlar isə sığortasız çalışırlar.
Onun sözlərinə görə, Zəngan xalçalarının ixracı qeyri-rəsmi xarakter daşıyır.
Qeyd edək ki, xalçaların ixrac dəyəri ildə 12 milyon dollardan çox olur. Bu xalçalar isə Qum xalçaları adı altında yerli olmayan tacirlər tərəfindən satılır.
