GADTB-nin Mətbuat Mərkəzinə daxil olan məlumata görə, Təbrizdə “Azərşüşə” şirkətinin işçiləri əmək haqlarının verilməməsinə etiraz olaraq etiraz aksiyası keçiriblər.
Təbrizdə zavodun qarşısına toplaşan narazı işçilər əmək haqlarının az olduğuna da etiraz ediblər. İşçilər əmək haqqı ilə yanaşı digər ödənişlərin də verilmədiyini bildiriblər.
Şirkət rəhbərliyinin problemlərin həlli və əmək haqlarının ödənilməsi ilə bağlı verdiyi vədlərin heç biri yerinə yetirilmədiyi üçün işçilər yenidən işi dayandırıb və aksiya keçirməyə məcbur olublar.
Həmçinin Zənganın Telekommunikasiya İdarəsinin işçiləri əmək haqlarının ödənilməməsinə etiraz olaraq aksiya keçiriblər.
İdarə qarşısına toplaşan işçilər əllərində “Əmək haqlarının davamlı gecikdirilməsi qanunsuzdur” şüarı yazılmış plakatlar qaldırıblar.