GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Güney Azərbaycanın Traxtur komandası ilə İbadanın Sənəti Nəft komandası yarışıb.
Təbrizin Səhənd stadionunda keçirilən yarışda azərbaycanlı tərəfdarlar milli şüarlar səsləndiriblər.
Traxtur komandasının tərəfdarları İranın Urmiya gölünü qurutmasına etiraz olaraq “Urmu gölü can verir-Məclis onun qətlinə fərman verir” şüarı səsləndiriblər. Azərbaycanlı tərəfdarlar həmçinin “Türk dilində mədrəsə- olmalıdır hər kəsə” şüarı səsləndirməklə Güney Azərbaycanda məktəblərin türk dilində təhsilə keçməsini tələb ediblər.
Traxtur komandasının tərəfdarları həmçinin azərbaycanlı xanımların stadiomlara gəlmə haqqına malik olmasını tələb edərək, “Azərbaycan qızları- göylərin ulduzları” şüarını səsləndiriblər.
Qeyd edək ki, dünən Güney Azərbaycanın Traxtur komandası ilə İbadanın Sənəti Nəft komandası yarışıb və yarış 1-0 sıfır hesabı ilə Traxtur komandasının qələbəsi ilə sona çatıb.
