GADTB Güney Azərbaycan Demokratik Türk Birliyi
GADTB: Avqustun 1-i Azərbaycan Əlifbası və Azərbaycan Dili Günü münasibətilə Azərbaycan Prezidenti İlham Əliyev rəsmi sosial media hesablarında paylaşım edərək Azərbaycan dilinin milli əhəmiyyəti və geniş yayılması barədə fikirlərini bölüşüb.
Prezidentin paylaşımında deyilir:
“Bu gün Azərbaycan dili 50 milyondan çox insanın ana dilidir. Biz – müstəqil Azərbaycan dövləti olaraq saf, orijinal və ədəbi Azərbaycan dilinin qoruyucularıyıq.”
Qeyd edək ki, Azərbaycan Əlifbası və Azərbaycan Dili Günü hər il avqustun 1-də Azərbaycan Respublikasında qeyd olunur. Bu gün Azərbaycan dilinin qorunması, ədəbi dil normalarının inkişafı və milli-mədəni irsin yaşadılmasının əhəmiyyətini vurğulayan əlamətdar tarixlərdən biridir.
