GADTB: Heritage Foundation ölkələr üzrə 2023-cü ilin İqtisadi Azadlıq İndeksini açıqlayıb. Belə ki, 2023-cü ildə İqtisadi Azadlıq İndeksinə görə tədqiq edilən 176 ölkə arasında İran 169-cu yerdədir. Yalnız 7 ölkə – Eritreyə, Burundi, Zimbabve, Sudan, Kuba, Venesuella və Şimali Koreya İranla müqayisədə daha pis vəziyyətdədir.
Hesabata görə, ən yaxşı nəticə göstərən ölkələr Sinqapur, İsveçrə, İrlandiya və Tayvandır. Bu siyahıda İsrail 34-cü yerdədir.
Qeyd edək ki, daha azad iqtisadiyyata malik ölkələrdə əhalinin rifah səviyyəsi xeyli yüksəkdir, iqtisadi azadlıq isə iqtisadiyyatın dövlət tənzimlənməsindən fərqli olaraq, nisbətən tez və nəzərəçarpacaq nəticələr verir.