GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın Təbrizdəki İnqilab Məhkəməsinin 3-cü şöbəsi azərbaycanlı milli-mədəni fəal Yusif Sələhşur barədə yeni hökm çıxarıb.
Rejimin məhkəməsi azərbaycanlı milli fəalı 1 il həbs cəzasına məhkum etməklə yanaşı onun sosial şəbəkələrdə fəaliyyəti və ölkədən çıxmasına 2 il müddətinə qadağa qoyub.
Qərar İnqilab Məhkəməsinin 2-cü şöbəsinin sədri Fəthnəjad tərəfindən çıxarılıb və şifahi olaraq Yusif Sələhşurun vəkili Əsgər Məhəmmədiyə bildirilib.
Bundan öncə Şərqi Azərbaycan əyalətinin Apellyasiya Məhkəməsinin 36-cı bölməsində Əli Əhmədinin başçılığı ilə keçirilən məhkəmə toplantısında Təbrizdə yaşayan milli-mədəni fəal Yusif Sələhşur barədə yeni qərar çıxarılaraq, milli fəala qarşı irəli sürülən “səs-küy salmaq və qanunsuz aksiyaya qoşulmaqla ictimai asayişi pozmaq” ittihamından bərat hökmü vermişdi.
Qeyd edək ki, Yusif Sələhşur Təbrizdə etirazlarla bağlı iyulun 25-də rejimin təhlükəsizlik məmurları tərəfindən Təbrizdə yaxalanmışdı.
Azərbaycanlı fəal dindiriləndən sonra 11 avqustda Təbrizdə zindana köçürülüb və 14 avqustda girov qarşılığında zaminə buraxılmışdı.
İyulun 24-də Təbrizdə əl-Əhvaz etirazlarının keçirilməsi zamanı Yusif Sələhşurla yanaşı çox sayda azərbaycanlı fəal yaxalanmışdı.
