GADTB-nin Mətbuat Mərkəzinə daxil olan məlumata görə, müharibənin 33-cü günü üçün Rusiyanın itkiləri haqda məlumat yenilənib. Bu barədə Ukrayna Baş Qərargahının sosial şəbəkə hesabında məlumat paylaşılıb.
Bildirilib ki, fevralın 24-dən martın 27-nə qədər düşmənin 17.200-dən çox əsgəri, 597 tankı, 1710 hərbi zirehli maşını, 303 artilleriya sistemi, 96 reaktiv yaylım atəş sistemi, 54 HHM sistemi, 127 təyyarə, 129 helikopter, 1.178 avtomobil texnikası, 7 gəmi/kater, 73 yanacaq sisterni, 71 PUA, 21 xüsusi texnika, 4 ədəd taktiki raket kompleksi məhv edilib.
Dünən isə Ukrayna ordusu Rusiyanın 8 təyyarəsini, 3 helikopterini, 4 PUA və 2 qanadlı raketini məhv edib. Bu haqda Ukrayna HHM Komandanlığının rəsmi Feysbuk səhifəsində məlumat paylaşılıb.
“Birləşmiş Qüvvələr Qruplaşması Donetsk və Luqansk istiqamətində sutka ərzində düşmənin 7 hücumunu dəf ediblər. Döyüşçülərimiz 12 tank, 10 PDM və 3 avtomobil texnikasını zərərsizləşdiriblər. Düşmən canlı qüvvə sarıdan böyük itki verib”, – məlumatda qeyd olunub.