Bazar ertəsi , Noyabr 16 2026
azfa

İran rejimi Mərənddə türk kitabları sərgisinə mane oldu

GADTB-nin Mətbuat Mərkəzinə daxil olan məlumata görə, İran rejimi Güney Azərbaycanın Mərəınd şəhərində türk kitabları sərgisinə mane olub.

Bu barədə “Nəbati Nəşriyyatı”nın nümayəndəsi Vəhid Fatimi öz “İnstagram” səhifəsində məlumat paylaşara yazıb ki, bir aylıq səylərimizdən sonra Mərənd şəhər Mədəniyyət İdarəsi azər ayının əvvəllərindən etibarən Mərənddə türkcə-farsca kitab sərgisinin keçirilməsinə lisenziya verdi. Lakin noyabrın 8-də Mədəniyyət İdarəsinə çağırıldım. İdarənin rəisi qəribə bir tonda xəbərdarlıq etdi ki, ancaq bannerlərdə “türk” sözü yazılmayacağı halda sərginin keçirilməsinə icazə veriləcək.

Onun bu tələbindən başqa çarəmiz yox idi. Bir gün sonra, yəni sərginin açılmasına bir gün qalmış yenidən həmin idarəyə çağırıldım və idarənin rəisi heç bir qaneedici dəlil göstərmədən sərgi lisenziyamızın ləğv edildiyini bildirdi. Halbuki, bu lisenziyanı onun özü bir həftə öncə vermişdi”.

Qeyd edək ki, 2019-cu ildə də Mərənd şəhərində oxşar kitab sərgisinin keçirilməsinə aidiyyatı qurumlar buna icazə verilməmişdi. İran rejimi bu irqçi fəaliyyətlə Güney Azərbaycanda Azərbaycan türkcəsində kitabların yayılması və təbliğinə mane olmaq istəyir.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …