GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Təbrizin Rastaküçə bölgəsində aşkarlanan qədim tarixi abidələri dağıdır.
Hətta tikinti də dayandırılmır. Təbriz Tarixi Bazarı Kompleksinin sədri Hüseyn İsmaili mediaya açıqlamasında bununla bağlı deyib ki, Təbriz bazarı ərazisində tarixi abidələrin aşkarlanmasına baxmayaraq tikinti əməliyyatının dayandırılmayıb.
İsmaili tarixi abidənin yerləşdiyi bölgədə aparılan qazıntı işlərinin öncədən bildirilmədən və Mədəni İrs, Turizm və Əl İşləri İdarəsinin rəsmi icazəsi olmadan aparıldığını söyləyib.
O həmçinin deyib: “Tarixi abidənin aşkarlanmasına, bələdiyyəyə yazılı müraciət etməyimizə baxmayaaq qazıntı və tikinti işləri dayandırılmadığı üçün məhkəməyə baş vurmuşuq”.
Qeyd edək ki, mayın 21-də Təbrizin mərkəzində, tarixi bazar ərazisində qazıntı işləri zamanı tarixi abidənin aşkarlanması sosial mediada geniş yayılıb və əhali tarixi abidənin dağıdılmasına etirazlarını bildiriblər.
Lakin İran rejimi hər zaman olduğu kimi Azərbaycanın tarixi abidələrinin dağıdılmasında maraqlı olduğu üçün həmin tarixi abidəni də dağıtmağa çalışır.
