GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi irqçi yanaşma sərgiləyərk Güney Azərbaycanın türkcə “Qolçaq” filmini İranda keçirilən “Beynəlxalq Fəcr Film Festivalı”na buraxmayıb.
İran rejiminin keçirdiyi festivalım münsiflər heyətinin üzvü bunu filmin türkcə olduğu ilə əlaqədar olduğunu bildirib. “Fəcr” Film Festivalının münsiflər heyətinin üzvü Behruz Əfxəmi məsələ ilə bağlı verdiyi açıqlamada filmin türkcə olduğuna görə festivalda iştirakına icazə verilmədiyini təsdiqləyib.
Əfxəmi deyib: “Qolçaq filmi olduqca maraqlı filmdir. Ancaq film türk dilində olduğuna görə, münsiflər heyəti onu izləyib və başa düşməkdə çətinlik çəkirlər”.
Qeyd edək ki, “Qolçaq” filminin rejissoru Əsgər Yusifinejad bundan öncə türk dilində “Ev” filmini çəkərək, Güney Azərbaycanda əhalinin rəğbətini qazanmışdır. Lakin irqçi fars rejim müxtəlif maneələr törətməklə azərbaycanlı sənətçilərin türkcə film çəkməsinə mane olmaq istəyir.
