GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Parlamentinin Mədəniyyət Komisiyyasının üzvü Əli Mütəhhəri məktəblərdə yerli dillərin tədris edilməsi ilə bağlı heç bir maneənin olmadığını iddia edib.
O avqustun 2-də Məclisin xəbər agentliyi ilə danışığında rejimin konstitusiyanın 15-ci maddəsinə toxunaraq, məktəblərdə müxtəlif qövmlərin ədəbiyyatı, o cümlədən türk dilinin tədisi üçün bir dərsliyin nəzərdə tutulmasının heç bir problemi olmadığını, lakin bütün hallarda rəsmi dilin fars dili olmasına təid edib.
O həmçinin deyib ki, islam irq və qövmçülüyə heç bir əhəmiyyət vermədiyi üçün bu məsələ ölkə üçün problem yarada bilməz. Dil fərqi milli təhlükəsizliyimizi poza bilməz.
Mütəhhəri deyib: “İran əhalisinin birlik rəmzi islam dinidir. Ləhcə və dillərin çox və fərqli olması ölkənin milli təhlükəsizliyini təhdid etmir”.
Qeyd edək ki, irqçi fars rejim ölkə əhalisinin çoxluğunu təşkil edən Azərbaycan türklərini öz dilində təhsil almaqdan məhrum edib. Uzun illər mübarizədən sonra türk dilinin bir dərslik kimi iki sinifdə tədrisinə də hələ tam razılıq verməyib.
