GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildəki ETTELAAT İdarəsi azərbaycanlı milli-mədəni fəal Həbib Nigəhbanı telefon vasitəsilə idarəsinə çağrılaraq bir neçə saat dindirilib.
Fevral ayının 28-də telefon vasitəsilə Ərdəbildəki rejimin ETTELAAT İdarəsinin informasiya qərargahı tərəfindən idarəyə çağrılan azərbaycanlı fəal saatlarla təhlükəsizlik məmurları tərəfindən dindirildikdən sonra hədələnib.
Məlumata görə, fəal son günlər dəfələrlə idarəyə çağrılsa da, çağırışın qanunsuz olduğuna görə ETTELAAT İdarəsinə getməkdən imtina etmişdi.
Həbib Nigəhbanın dediyinə görə, iş vaxtından sonra 4 saat davam edən dindirmə zamanı rejimin məmurları ona “Bütün milli-mədəni fəalların dosiyalarının əllərində olduğunu, istədikləri vaxt onları həbs edə biləcəklərini” deyiblər.
Qeyd edək ki, Həbib Nigəhban Təbriz Universitetinin “Coğrafiya və şəhərsalma” ixtisası üzrə magistratura mərhələrində təhsil alır. Fəal bundan öncə, illik Savalan dağı mərasimi zamanı, eləcə də Təbrizdə Səhənd Stadionunda və tanınmış milli-mədəni fəal Əziz Purvəlinin yas mərasimində yaxalanmışdır.
