İranın təşkil etdiyi terrorçu Həşdişəbi Bağdadda etirazçıları qanına boyadı

GADTB-nin Mətbuat Mərkəzinə daxil olan məlumata görə, İranın təşkil etdiyi terrorçu Həşdişəbi təşkilatı Bağdadda etirazçıları qanına boyadı. Həşdişəbi terrorçularının açdığı atəş nəticəsində ən azı beş nəfərin öldüyü bildirilir.

Son məlumata əsasən, həmin qüvvələr Bağdadın mərkəzi rayonundakı Ər-Rəşid küçəsində etirazçılara qarşı odlu silahdan istifadə edib. Hazırda nümayişçilər şəhərin mərkəzində yerləşən “Təhrir” meydanına soxulmağa çalışır. Polis onların qarşısını almaq üçün dəyənəklərdən istifadə edir. Təhlükəsizlik qüvvələri və Həşdişəbi ilə toqquşmalar nəticəsində, həmçinin onlarla insanın xəsarət aldığı bildirilir.

Xatırladaq ki, oktyabrın 1-də İraqda həyat şəraitinin yaxşılaşdırılması, səhiyyə, təhsil sahələrində, əmək bazarında, həmçinin korrupsiya ilə mübarizədə problemlərin həlli tələbi ilə etiraz aksiyaları başlayıb. Etirazçılar Baş Nazir Adil Abdulmehdinin istefasını tələb edirlər. Paytaxtda və bəzi əyalətlərdə keçirilən dinc etiraz aksiyaları sonradan iğtişaşlara çevrilib.

Həmçinin yoxlayın

Yunandan etiraf; Türk “Anka”ları ordumuzu darmadağın edə bilər

GADTB-nin Mətbuat Mərkəzinə daxil olan məlumata görə, yunan aparıcı İoannis Theodoratos etiraf edərək deyib ki, …

Azadlıq dalanı: azərbaycanlı siyasi məhbus Əlirza Fərşiyə qrafit çəkildi

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbildə şəhərində azərbaycanlı siyasi məhbus Əlirza …

Bir cavab yazın