ABŞ Xamneyinin oğluna və rejimin başqa rəsmilərinə sanksiya tətbiq etdi

GADTB-nin Mətbuat Mərkəzinə daxil olan məlumata görə, Vaşinqton İran Silahlı Qüvvələrinin Baş Qərargahını, habelə Əli Xameneyinin oğlu Mujtaba Xameneyi və yüksək səviyyəli digər İran nümayəndələrinin də daxil olduğu ölkənin doqquz vətəndaşını qara siyahıya salmaqla Tehrana qarşı sanksiya siyahısını genişləndirib.

Bu barədə məlumat ABŞ Maliyyə Nazirliyinin saytında yayılıb.

Məhəmməd Baqiri, Hüseyn Dehqan, Məhəmməd Məhəmmədi Qolpayiqani, Qulaməli Həddad Adil, Vəhid Həqqanian, Mütəba Xamneyi, İbrahim Rəisi, Qulaməli Rəşid, Əliəkbər Vilayətinin adı həmin sanksiyalar siyahısına daxil edilib.

Xüsusilə siyahıda İran Silahlı Qüvvələrinin baş qərargah rəisi Məhəmməd Hüseyn Baqiri, eləcə də bir sıra generallar, ruhanilər və rəsmilər yer alıb.