İraqdakı terrorçu qruplar İrandan aldıqları PUA və raketləri təhvil verməkdən imtina edir

GADTB: “Əl-Hədəs” telekanalı iraqlı təhlükəsizlik mənbələrinə istinadən xəbər verib ki, İraqdakı bəzi silahlı qruplar İran İslam Respublikasından aldıqları PUA-ları və dəqiq zərbə raketlərini təhvil verməkdən imtina edir.

Mənbələrin bildirdiyinə görə, “Əsaib Əhl əl-Həqq” qruplaşması da silahlarının bir hissəsini gizli məkanlara köçürüb.

“Əl-Hədəs”ə danışan mənbələr bildiriblər ki, bəzi qruplar silahların təhvil verilməsi ilə bağlı razılaşmaların icrasına başlayıb, lakin xüsusi hərbi imkanlarını bu prosesdən kənarda saxlayıb və silahlarının bir hissəsini gizli yerlərə köçürüblər.

Mənbələrin sözlərinə görə, bəzi qruplar daha əvvəl İraq hökumətindən aldıqları hərbi texnikanı, o cümlədən tankları və zirehli texnikaları təhvil veriblər.