GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı millət vəkili rejimin məclisində ana dilində təhsil və türk nazirin təyin olunması tələbini irəli sürdü. Güney Azərbaycanın Şəbistər şəhərindən rejimin məclisinə millət vəkili seçilən Məsumə Ağapur Əlişahi 2018-ci il oktyabr ayının 10-da məclisdə Həsən Ruhanini seçkiqabağı təbliğat-təşviqat dönəmində verdiyi vədləri yerinə yetirməyə çağıraraq, deyib:
“Urmiya gölünnün vəziyyəti yaxşı deyil. Bu göl bir zamanlar bölgəyə xüsusi səfa bəxş edərdi. Lakin indi həyatı və gözəlliyi itib. Cənab Ruhaninin hökuməti öz səyini əsirgəməsin, yarıcan gölə yenidən can versin. Urmiya gölü ölməkdədir. Lütfən onun bərpasına büdcə vəsaiti ayırın.”
Ağapur Əlişahi ana dilinin tədrisi ilə bağlı konstitusiyanın 15-ci maddəsinin icrasını və Azərbaycan türkcəsinin məktəblərdə tədrisini tələb edərək, nazirlər kabinetində ən azı bir qadın, bir türk və bir sünni məzhəbinə mənsub şəxsi görmək istədiyini bildirib.
