GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli-mədəni fəal, şair və yazıçı Rəhim Qulaminin Ərdəbildə yerləşən İnqilab Məhkəməsinin 2-ci şöbəsinə çağırıb.
Məhkəmənin çağırış vərəqəsi elektron formada fəala göndərilib. Fəalın 2019-cu il yanvarın 23-də məhkəməyə müraciət etməsi tələb edilib.
Rejim azərbaycanlı fəalı şərləyərək, “ölkə təhlükəsizliyini pozmaq məqsədi ilə qanunsuz qrup yaratmaq”da ittiham edib.
Qeyd edək ki, azərbaycanlı fəal Rəhim Qulami 2018-ci il iyulun 2-də Babək Qalası Qurultayına bir neçə gün qalmış evdən çıxarkən rejimin təhlükəsizlik qüvvələri tərəfindən yaxalanıb və eyni tarixdə yaxalanan azərbaycanlı fəallar Əli Vasiqi, Əsgər Əkbərzadə, Mehdi Huşmənd və Səid Sadiqifərlə birlikdə Ərdəbil Polis İdarəsinin Təhlükəsizlik Bölümün təcridxanasına aparılıb.
Azərbaycanlı fəallar müxtəlif formalarda təzyiq və işgəncələrə məruz qalıb. Rəhim Qulami və digər fəallar 2018-ci il iyulun 10-da hər biri 50 milyon tümənlik mülki vəsiqə qarşılığında həbsxanadan zaminə buraxılımışlar.
