GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Babək Qalası Qurultayına mane olmaq üçün Güney Azərbaycanın müxtəlif bölgələrindən minlərlə azərbaycanlı fəala zəng edərək hədələyib.
Rejimin zəng edərək çağırıb hədələdiyi fəallar arasında Səid Minai, Hamid Yeganəpur, Əşkan Səadətmehr və başqaları da vardır.
Rejimin ETTELAAT İdarəsinin məmurları azərbaycanlı fəalları hədələyiblər ki, onlar Babək Qalası Qurultayında iştirak etməsinlər.
Dünən iyunun 4-də Marağa Şəhər ETTELAAT İdarəsindən azərbaycanlı fəal mühəndis Hamid Yeganəpurla telefon əlaqəsi saxlayaraq ona Babək Qalası Qurultayına qatılmaqla bağlı xəbərdarlıq ediblər. Azərbaycanlı fəala deyiblər ki, qurultaya onun üçün yaxşı nəticə verməz və o bu şəkildə müəyyən problemlərlə qarşılaşa bilər.
Mühəndis Yeganəpur isə rejimin ETTELAAT məmurlarının cavabında deyib: “Mən sizin verdiyiniz məsləhətlə yaşamıram. Xahiş eliyirəm bir daha mənə zəng etməyin. Mən tamami ilə qanun çərçivəsində fəaliyyət göstərirəm və heç bir qanun pozuntusuna yol verməmişəm. Yalnız qanunu pozduğum halda siz məni yaxalayıb və ya dediyiniz şəkildə problem yarada bilərsiniz.”
Binabdan azərbaycanlı milli-mədəni fəal Səid Minayi, Urmiyadan azərbaycanlı fəal Əşkan Səadətmehrdə rejimin məmurları tərəfindən hədələnib. Rejimin məmurları onlarla fəalı da SMS-lər göndərməklə hədələyiblər.
