Bazar , Sentyabr 26 2021
azfa

İrqçi fars rejim Sulduzun Seyran gölünü də qurutdu

GADTB-nin Mətbuat Mərkəzinə daxil olan məlumata görə, işğalçı və irqçi fars rejim Güney Azərbaycanın Sulduz bölgəsində yerləşən Seyran gölünü də qurutdu.

Qərbi Azərbaycan Ətraf Mühitin Mühafizəsi İdarəsinin rəis müavini Höccət Cabbari bu barədə məlumat verərək, qurumağa səbəb kimi gölməçəyə lazımı qədər su daxil olmamasını göstərib.

Cabbari deyib: “Yayda gölməçəyə yetəri qədər su daxil olmayıb. Ətrafdakı çay sularından da gölməçənin payına düşən su təmin olunmayıb. Bütün bunlar Seyran gölünün qurumasına səbəb olub.

Qərbi Azərbaycan Əyalətinin bəzi gölməçələri mövsümi gölməçə hesab olunur. Bu gölməçələr yayda suyun buxarlanması nəticəsində quruyur. Ötən illərdə Seyran gölünə yetəri qədər su daxil olmadığı üçün bu gün belə bir gölməçənin qurumasının şahid oluruq. Ümumiyyətlə, Qərbi Azərbaycandakı gölməçələrin əksəriyyətində su problemi yaşanır”.

Qeyd edək ki, irqçi fars rejim qəsdən çox suya ehtiyacı olan ucuz qiymətli məhsulların əkininə Güney Azərbaycanda rəvac vermək, eləcə də çayların qarşısında bəndlər vurmaqla gölləri qurudub, Azərbaycanı ekiloji fəlakətlə qarşı-qarşıya qoyur.

 

 

 

Həmçinin yoxlayın

Türk ölkələrinin Xarici işlər nazirləri sabah İstanbulda toplaşır

GADTB-nin Mətbuat Mərkəzinə daxil olan məlumata görə, Türk Ölkələrinin Əməkdaşlıq Şurasına üzv ölkələrin Xarici işlər …

PKK terror təşkilatına ağır zərbə

GADTB-nin Mətbuat Mərkəzinə daxil olan məlumata görə, İraqın Mosul şəhərinin Sincar rayonunda 51 PKK üzvü …

Bir cavab yazın