GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Noyabr ayında Tehranda yaxaladığı azərbaycanlı fəallar Mənsur Fəthi, Əli İbrahimi və Saleh Ekrami ailələri ilə qısa telefon əlaqəsi saxlayaraq Tehranın Evin zindanının rejimin ETTELAAT-ına məxsus olan 209-cu bölməyə köçürüldüklərini bildiriblər.
Həmin 3 azərbaycanlı fəallar durumları ilə bağlı ailələrinə qısa telefon bağlantısı zamanı məlumat veriblər.
Qeyd edək ki, azərbaycanlı fəallar Tehranın 15 kilometrliyində yerləşən Nəsim şəhərində benzinin bahalaşmasına etiraz olaraq keçirilən aksiyalarda milli hərəkətin istəklərini səsləndirməmələri üçün rejimin təhlükəsizlik qüvvələri tərəfindən noyabrın 10-da həbs ediliblər. Hələlik 40 nəfərdən çox azərbaycanlı fəalın etirazlardan sonra yaxalandığı məlum olub.
