GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildəki ETTELAAT İdarəsi dünən dekabrın 27-i axşam saatlarında azərbaycanlı milli-mədəni fəal Müctəba Pərvinə ardıcıl zəng edərək, onu hədələmişdir. Rejimin ETTELAAT İdarəsi Müctəba Pərvinə ciddi xəbərdarlıq edib.
İranın ETTELAAT İdarəsi Müctəba Pərvini qardaşları Mürtəza və Mustafa Pərvini həbs etməklə təhdid edib.
Rejim hədələyib ki, Müctəba və qardaşlarının bütün fəaliyyətlərini nəzarətdə saxlayirlar və onları lazim gəldikdə həbs edəcəklər. Azərbaycanlı fəal isə bütün fəaliyyətlərinin dinc və qanun çərçivəsində olduğunu bildirib.
Qeyd edək ki, Ərdəbildə sakini olan Müctəba Pərvin bundan öncə də dinc və mədəni fəaliyyətləri ilə bağlı irqçi fars rejimin ETTELAAT İdarəsi tərəfindən dəfələrlə yaxalanaraq, işgəncə və həbsə məruz qalmışdır.
