Çərşənbə axşamı , Sentyabr 27 2022
azfa

İşğalçı fars rejimin irqçi və antitürk təhsil nazirinin impiçmenti gündə gəldi

GADTB-nin Mətbuat Mərkəzinə daxil olan məlumata görə, işğalçı fars rejimin irqçi və antitürk təhsil naziri Məhəmməd Bəthainin impiçmenti gündə gəldi. Bu barədə Təhsil Komissiyasından açıqlama verilib.

Məlumata görə, irqçi təhsil naziri 10 gün müddətində məclisə gəlməli və açıq iclasda izahat verməlidir.

Qeyd edək ki, irqçi fars rejimin təhsil naziri Məhəmməd Bəthai növbəti dəfə ölkədə qeyri-fars millətlərinin ana dilini hədəfə alıb. O bu barədə avqustun 28-də təhsil və tədqiqat komissiyasının nazirin hesabat verməsi mövzusunda keçirdiyi iclasda danışıb. Məlum olub ki, onun suallara verdiyi cavablar millət vəkillərini qane etməyib. Bəthainin məclisdə hesabat verməsi ilə bağlı tələb məclisin Rəyasət Heyətinə göndərilib.

Bəthayi qeyri-fars dillərinin əleyhinə səsləndirdiyi irqçi açıqlamasına qarşı verilən reaksiyalara belə cavab verib: “Əldə olunan məlumatlara görə, bəzi məktəblərdə dərslər (fars dilində olan mətnlər) qövmlərin dilində tədris olunur. Halbuki, məktəb ev və küçədə ana dilində söhbət edən şagirdlərin farsca öyrənməsi məkanıdır.”

Nazir öz irqçi iddialarını əsaslandırmaq üçün qeyd edib ki, “mən şəhərlərin birində bir dərs otağına getdim. Şagirdlərin birinə dərsi ilə bağlı bir sual verdim. O məni başa düşmədi. Müəllim sualımı şagirdin ana dilinə tərcümə etdikdən sonra o sualı cavablandırdı.”

Həmçinin yoxlayın

ETTELAAT məmurları azərbaycanlı milli fəal Saleh Molla Abbasinin evinə hücum edib

GADTB-nin Mətbuat Mərkəzinə daxil olan məlumata görə, İranın ETTELAAT İdarəsinin məmurları sentyabrın 25-də Güney Azərbaycan …

Molla rejiminin Ərdəbildə yaxaladığı azərbaycanlı milli fəallardan xəbər yoxdur

GADTB-nin Mətbuat Mərkəzinə daxil olan məlumata görə,  irqçi fars rejimin Ərdəbildə yaxaladığı azərbaycanlı milli fəallardan …

Bir cavab yazın