GADTB Güney Azərbaycan Demokratik Türk Birliyi
GADTB: İsrailli siyasi təhlilçi Eytan Lasri Türkiyə ilə İsrail arasında münasibətlərin son onilliklərin ən gərgin mərhələsinə daxil olduğunu bildirib və tərəflər arasında mövcud olan səkkiz əsas münaqişə mövzusunu təhlil edib.
Lasrinin fikrincə, Türkiyə və İsrail arasında strateji rəqabət getdikcə dərinləşir və bu proses yaxın illərdə Yaxın Şərqin siyasi mənzərəsini formalaşdıran əsas amillərdən birinə çevrilə bilər.
Ekspert qeyd edib ki, tərəflər arasındakı gərginlik son dərəcə yüksək olsa da, vəziyyət hələlik birbaşa hərbi qarşıdurma həddinə çatmayıb.
Onun sözlərinə görə, əsas gərginlik mövzuları bunlardır:
Qəzza zolağı məsələsi;
Suriyadə təsir uğrunda rəqabət;
Livandakı proseslər;
Aralıq dənizinin şərq hissəsində enerji ehtiyatları və enerji marşrutları;
Qəzza blokadasını yarmağa yönəlmiş humanitar donanmalar;
Türkiyənin müdafiə və hərbi imkanlarını genişləndirməsi;
Regional qüvvələr balansı;
Amerika Birləşmiş Ştatlarının bölgədəki rolu və siyasəti.
Lasri hesab edir ki, yaxın illərdə Türkiyə və İsrail arasında açıq müharibədən daha çox, siyasi, diplomatik, iqtisadi və təhlükəsizlik sahələrini əhatə edən uzunmüddətli “soyuq müharibə” ssenarisi ehtimalı daha yüksəkdir.
Onun fikrincə, tərəflər arasındakı rəqabət regionun gələcək geosiyasi düzəninə ciddi təsir göstərə bilər və Yaxın Şərqdə yeni qüvvələr balansının formalaşmasında mühüm rol oynaya bilər.
