Millət vəkili: “İran artıq atom bombası yaratmalıdır”

Bu gün İran parlamentinin Milli Təhlükəsizlik Komissiyasının üzvü Əhməd Bəxşayeş Ərdəstani “Didar News” saytına müsahibəsində atom bombasının yaradılmasını Tehran üçün zərurət adlandırıb.

Onun sözlərinə görə, buna nail olandan sonra bir neçə ay Tehranla Qərb arasında gərginlik olacaq.

“Biz artıq qaynayan sanksiya qazanına düşmüşük. Qərb dövlətləri ölkəmizə daha çox sanksiya tətbiq edə bilməz. Əgər biz atom bombası yaratsaq, ən çoxu 6 ay müddətinə gərginlik yaşayacağıq, daha sonra isə Qərb bizdən niyə nüvə silahı istehsal etdiyimizi soruşacaq… İranın mütləq nüvə silahına ehtiyacı var, çünki hər halda biz Yaxın Şərqin lövbəriyik… Çətin ki, Qərb ölkələri bizimlə müharibə etmək istəyər. İranın yüksək hərbi çəkindirmə qabiliyyəti olduğuna görə ABŞ və İsrail Tehrana hücum etməyəcək”, – o, vurğulayıb. / Azad İran