GADTB Güney Azərbaycan Demokratik Türk Birliyi
GADTB: 19 yaşlı Bocnurd şəhərindən olan türk gənci Araş Mirzayi Bocnurd İnqilab Məhkəməsinin 107 saylı şöbəsinin qərarı ilə “milli təhlükəsizliyə qarşı əlbir olmaq və sövdələşmə” ittihamı əsasında 3 il müddətinə azadlıqdan məhrum edilib.
Əldə olunan məlumata görə, Araş Mirzayi 2026-cı il deyin 14-də molla rejimin təhlükəsizlik qüvvələri tərəfindən saxlanılıb və beş gün sonra girov müqabilində müvəqqəti azadlığa buraxılıb.
Məlumatlı mənbələrin bildirdiyinə görə, onun barəsində 3 illik həbs hökmü 2026-cı ilin iyun ayının sonlarında çıxarılıb. Həmçinin Araş Mirzayinin bir neçə digər məhkəmə işi də mövcuddur. O, başqa bir iş üzrə məhkəməyə müraciət etdiyi zaman bu hökmün çıxarıldığını öyrənib.
Son illərdə fəalların və vətəndaşların “milli təhlükəsizliyə qarşı əlbir olmaq” kimi ittihamlarla saxlanılması və həbs cəzalarına məhkum edilməsi beynəlxalq insan hüquqları təşkilatları tərəfindən dəfələrlə tənqid olunub. Həmin təşkilatlar bildirirlər ki, ifadə azadlığı və dinc vətəndaş fəaliyyəti kimi fundamental hüquqlardan istifadə edən şəxslərə qarşı təhlükəsizlik ittihamlarının irəli sürülməsi İranın beynəlxalq öhdəlikləri ilə uyğunluq təşkil etmir.
