GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, irqçi fars-molla rejimi Güney Azərbaycan Milli Hərəkatının fəallarından Vədud Əsədi və Səid Minayiyə bildiriş göndərərək, onları Tehranda porokurorluğa çağırıb.
Tehran Prokurorluğunun 5-ci şöbəsi bildiriş göndərməklə azərbaycanlı fəal Vədud Əsədinin elan olunmuş ittihamlara qarşı ifadə verəcəyi bildirilib.
Rəşt şəhəri sakini olan Əsədi 2024-cü ilin fevralında rejimin ETTELAAT İdarəsinin məmurları tərəfindən saxlanılaraq Tehranda Evin zindanında yerləşən ETTELAAT-ın təcridxanasına köçürülüb.
O, martın 9-da 800 milyon tümən dəyərində mülk sənədi qarşılığında müvəqqəti azad olunmuşdur.
Tehran Prokurorluğunun 5-ci şöbəsi elektron bildiriş göndərməklə həmçinin azərbaycanlı fəal Səid Minayinin 5 gün ərzində prokurorluğa gəlməsi tələb edib.
Rejim azərbaycanlı fəala qarşı “ölkə təhlükəsizliyini pozmaq məqsədi ilə əlbir olma və toplaşma” ittihamı elan olunub.
Binab sakini olan Səid Minayi isə 2024-cü ilin fevralında həbs olunub və mart ayının 13-ü 700 milyon tümən dəyərində mülk vəsiqə qarşılığında zaminə buraxılmışdı.
