GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimi Tehranın Evin həbsxanasında həbsdə saxladığı azərbaycanlı milli fəal və sənətçi Mürtəza Pərvinin müalicəsinə icazə vermir.
Məlumata görə, bel diski yırtığından əziyyət çəkən milli fəalın həbsxanadan kənarda müayinə və müalicəyə ehtiyacı olmasına baxmayaraq, onun tibbi yardım almasına süni maneələr yaradılır.
Bildirilib ki, həbsxana rəhbərliyi həkimlərin arayışından sonra Murtaza Pərvinin müayinə və müalicəsinə şərait yaradılacağına söz versə də, vədini yerinə yetirməyib və həbsxananın tibb məntəqəsində ona yalnız ağrıkəsici dərmanlar verilir.
Qeyd edək ki, gənc fəal fevralın 6-da Ərdəbildə həbs edilib. O, “dövlət quruluşu əleyhinə təbliğat aparmaq” ittihamı ilə bir il, “milli təhlükəsizliyə qarşı toplaşmaq və əlbir olmaq” ittihamı ilə isə 5 il müddətinə həbs cəzasına məhkum edilib.
