GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, aprelin 5-də molla rejimin məmurları Müəllimlər Birliyinin sözçüsü, ictimai fəal və müəllim Məhəmməd Həbibi döyülərək həbs ediblər.
Bu haqda onun xanımı Xədicə Pakzəmir məlumat yayıb.
Onun sözlərinə görə, təhlükəsizlik qüvvələri məktəbə hücum edərək Məhəmməd Həbibini qandallayıb və Tehranın Evin zindanına aparıblar.
Qeyd edək ki, son aylar müəllimlər və təhsil işçilərinin etiraz aksiyalarının genişlənməsi ilə eyni vaxtda İran hökumətinin təzyiqləri də artıb.
Təhlükəsizlik orqanları etirazların qarşısını almaq və müəllimləri susdurmaq üçün çox sayda insana qondarma ittihamlar irəli sürərək onları basqı altında saxlamağa çalışır.
