GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranda qeyri-fars adlara qarşı represiyanın davamında bu dəfə ölkənin daxili işlər nazirinin müavini və Vətəndaş Vəziyyətlərinin Qeydiyyatı İdarəsinin rəisi Haşım Kargəri yeni iddia ilə çıxış edib.
Kargəri deyib: “Adların məlumat bazası İran və İslam mədəniyyətinə əsaslanmalıdır və zənginləşdirilməlidir. Bununla yanaşı, interaktiv ad sistemi valideynlərə İran və İslam mədəniyyətinə uyğun ad seçməkdə yardım etməlidir”.
Qeyd edək ki, İran hökuməti etnik azlıqlara övladlarına qeyri-fars adlarını seçməyə icazə vermir. Habelə azərbaycanlı uşaqlara türk adlarına görə doğum haqqında şəhadətnamə verilmir.
Fars və ərəb adlarından başqa adları qeyri-İrani adlar hesab edilir. Azərbaycanlı valideynlər uşaqlarına türk adları seçdiklərinə görə məhrumiyyət və təzyiqlərlə üzləşir, uşaqlara türk adlarına görə illərlə kimlik sənədi verilmir.
