GADTB Güney Azərbaycan Demokratik Türk Birliyi
GADTB: Güney Azərbaycan milli hərəkatının tanınmış fəallarından biri olan Səməd Nəzmi təxminən iki gün əvvəl İran rejiminin təhlükəsizlik qüvvələri tərəfindən Ərdəbil şəhərində saxlanılıb.
Məlumata əsasən, saxlanılma heç bir məhkəmə qərarı təqdim edilmədən və konkret ittiham irəli sürülmədən həyata keçirilib. Hazırda Səməd Nəzminin harada saxlanıldığı və səhhətinin vəziyyəti ilə bağlı dəqiq məlumat yoxdur.
Yerli mənbələr bildirir ki, təhlükəsizlik əməkdaşları Səməd Nəzmini zorakı şəkildə saxlayıblar. Bu hal İran hakimiyyətinin azərbaycanlı fəallara qarşı təhlükəsizlik yönümlü və repressiv yanaşmasının davam etdiyini bir daha göstərir.
