GADTB Güney Azərbaycan Demokratik Türk Birliyi
GADTB: İran Xarici İşlər Nazirliyi Ukraynanın Tehrandakı müvəqqəti işlər vəkilini nazirliyə çağırıb.
Görüş Ukrayna ordusunun Xəzər dənizində İranın ticarət gəmisinə hücum etməsindən sonra baş tutub. Ukraynalı diplomat İran xarici işlər nazirinin köməkçisi və Avrasiya Departamentinin baş direktoru Mənuçehr Muradi tərəfindən qəbul edilib.
Molla rejimi hadisə ilə bağlı sərt etirazını bildirərək, hücumu “düşmən və cinayətkar əməl” kimi dəyərləndirib.
Qeyd olunub ki, İran öz təhlükəsizliyini və milli maraqlarını qətiyyətlə müdafiə edəcək və vətəndaşlarının həyatına, eləcə də əmlakına qarşı hücumların cavabsız qalmasına imkan verməyəcək.
