GADTB-nin Mətbuat Mərkəzinə daxil olan məlumata görə, molla rejimi Güney Azərbaycanın qərb bölgəsi, xüsusilə Urmiyada son bir neçə gündə “dövlət quruluşu əleyhinə təbliğat aparmaq” və “ictimai düşüncəni çaşdırmaq” ittihamları ilə onlarla sosial media və mədəni fəalı İnqilab Məhkəməsinə çağırıb.
Məlumata görə, bu ilin mart-aprel aylarında Qərbi Azərbaycan əyalətində rejimin Baş Ədliyyə İdarəsinin rəisi Nasir Ütəbati sosial mediada cinayətlərin baş verməsinin qarşısını almaq və istənilən növ cinayət fəaliyyətinə dərhal baxılması bəhanəsi ilə kiberməkan üçün çevik reaksiya və müşahidə bölməsi adlandırdığı qurumun yaradıldığını bildirmişdi.
Bildirilib ki, onun göstərişi ilə Azərbaycan dilində paylaşımlar edən bəzi media hesabları bağlanıb və onların adminlərinə qarşı İnqilab Məhkəməsində iş açılıb.