GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, İranda iqtisadi vəziyyətin ağırlaşması və əldə toxuma xalça sənayesinin dövlət diqqətindən kənarda qalması nəticəsində ölkədə fəaliyyət göstərən xalça ustalarının xarici ölkələrə axınları artıb. Bu barədə xalça taciri və Tehran Xalçaçılar Birliyinin keçmiş müfəttişi Mehdi Cəvahiriyan açıqlama verib.
O, İranda xalça ustalarına verilən əməkhaqqının aşağı olduğunu, onların başqa ölkələrdə İranda aldıqları məvacibin bir neçə qatını aldıqlarını deyib.
Bir müddət öncə İran Əldə Toxuma Xalça Satıcıları Birliyinin prezidenti Məsud Sepehrzad ölkənin əldə toxuma xalça ixracatının 80% azaldığını bildirib.
