Molla rejimin Ərdəbildə həbs etdiyi üç azərbaycanlı fəal qeyri-müəyyən vəziyyətdə saxlanılır

QADTİB: Azərbaycanlı fəallar Siyamək Mirzayi, Əsgər Əkbərzadə və Əli Vasiqi həbs edilmələrindən yeddi gündən çox keçməsinə baxmayaraq, hələ də qeyri-müəyyən vəziyyətdə saxlanılırlar.

Daxil olan məlumatlara görə, Siyamək Mirzayi və Əli Vasiqi cümə axşamı, 11 tir tarixində Ərdəbil Kəşfiyyat İdarəsinin təcridxanasından Ərdəbil Mərkəzi Həbsxanasının 9-cu bölməsinə köçürülüblər. Lakin Əsgər Əkbərzadə hələ də Ərdəbil Kəşfiyyat İdarəsinin təcridxanasında saxlanılır.

Fəalların ailəsinə yaxın məlumatlı mənbənin bildirdiyinə görə, Əsgər Əkbərzadə qaraciyər çatışmazlığından əziyyət çəkir və həbs olunduğu vaxtdan etibarən istifadə etməli olduğu dərmanlara çıxış imkanından məhrum edilib. Bu vəziyyət onun sağlamlığı ilə bağlı narahatlıqları daha da artırıb.