Molla rejimin edam qərarlarına qarşı 59 həbsxanasında məhbuslar aclıq aksiyası keçirir

GADTB: Bu gün səhər saatlarından başlayaraq İranın 59 həbsxanasında saxlanılan minlərlə məhbus molla rejimin edam hökmlərinin dayandırılması tələbi ilə yenidən aclıq aksiyasına başlayıblar.

Məhbuslar beynəlxalq ictimaiyyətin və insan haqları müdafə qurumlarının diqqətini ölkədə artan edam cəzalarına cəlb etmək üçün bu addımı atıblar.

Aclıq aksiyası 132-ci dəfədir ki, hər həftənin ikinci günündən başlayaraq 24 saat müddətinə keçirilir.

Qeyd edək ki, cari ilin əvvəlindən bu günə kimi İranda kimliyi müəyyənləşdirilən edam edilənlərin sayı 400-ü keçib.

İranlı Məhbusların Hüquqlarını Müdafiə Təşkilatı isə 2026-cı ildə edam olunanların ümumi sayının 900-dən çox olduğunu bildirib.