GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin ETTELAAT məmurları dünən səhər azərbaycanlı milli fəal Salar Tahir Əfşarın ata evinə hücum edərək, qapını sındırıb və fəalı həbs edərək ailəyə qarşı zor tətbiq ediblər.
Xüsusi vəhşilik nümayiş etdirən rejimin məmurları evdə axtarış aparıblar. Axtarış zamanı milli fəalın anası, atası və bacısı hücuma məruz qalaraq döyülüblər.
Məlumata görə, Tahir Əfşarın ailə üzvləri və təhlükəsizlik qüvvələri arasında baş verən qarşıdurma evdən kənarda da davam edib. Nəticədə hökumət qüvvələri azərbaycanlı fəalın atası və bacısının yoldaşını həbs etməyə çalışıblar, lakin ətrafdakı insanların etirazları səbəbindən onları azad etmək məcburiyyətində qalıblar.
Qeyd olunub ki, azərbaycanlı fəalın özünün şəxsi əşyaları ilə yanaşı, bacısına məxsus mobil telefon və avtomobilinin sənədləri də müsadirə edilib.
