GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin məmurları azərbaycanlı milli fəal Səid Camalzadəni dünən gecə saatlarında həbs edərək naməlum yerə aparıblar.
Məlumata görə, rejimin ETTELAAT qüvvələri milli fəalı evində yaxaladıqdan sonra onun şəxsi əşyalarını da müsadirə ediblər.
Hələlik onun hansı ittihamlarla həbs edilməsi dəqiq bəlli deyil.
Qeyd edək ki, son günlər Güney Azərbaycanda fəallara qarşı yeni basqı dalğasının başladığı görünür. Bundan öncə azərbaycanlı fəallar Mürtəza Pərvin, Vədud Əsədi, Salar Tahir Əfşar, Bağır Hacızadə, Ayaz Seyfxah, Səid Minai və Kamal Nuri Ərdəbil, Rəşt, Urmiya, Təbriz və Tehranda həbs edilmişlər. Azərbaycanlı fəallara qarşı xüsusi qəddarlıq tətbiq edilib və yaxalanarkən döyülüblər.
