GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rəşt şəhərində yaşayan azərbaycanlı milli-mədəni fəal Məhəmməd Eyninin həbs dövrü başa çatdığı üçün onun ayağından elektron qandal açılaraq sərbəst buraxılıb.
Milli-mədəni fəaliyyətlərinə görə rejimin şərliyib 2 il 7 ay həbsə məhkum etdiyi azərbaycanlı fəal cəzasının 8 ayını çəkdikdən sonra həbs dövrünün qalan hissəsini elektron qandalla nəzarətdə keçirirdi.
Qeyd edək ki, Məhəmməd Eyni yanvarın 23-də Rəşt şəhərində rejimin ETTELAAT idarəsinə çağrılaraq, uzun müddət ETTELAAT təcridxanasında dindirildikdən sonra mart ayının əvvəllərində Rəşt şəhərinin mərkəzi zindanına köçürülmüşdü.
Daha əvvəl isə Ərdəbildə etirazlar keçiriləndən sonra eyni gündə Meysəm Colani, Əsgər Əkbərzadə, Məhəmməd Colani, Səid Sadiqifərdə və s. fəallar həbs edilmişdilər. Rejim Məhəmməd Eyni Azərbaycan ordusuna dəstək vermək məqsədilə toplaşmada iştirak etdiyi üçün yaxalamışdı.
