GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin Təbrizdə həbs etdiyi azərbaycanlı gənc Şəhriyar Cəfəri 20 gündən artıq dövrdə həbsdə olduqdan sonra onun barəsində narahatedici xəbərlər yayılır. Yayılan məlumata görə molla rejiminin ETTELAAT İdarəsindəki məmurları azərbaycanlı fəalı ciddi şəkildə işgəncə edirlər.
Bildirilir ki, rejimin məmurları fəalın başını və üzünü ayaqlayıb, kəlfətinlə onu işgəncə edib, barmaqlarını sındırıblar.
Təbrizdə Saib küçəsində yerləşən molla rejiminin ETTELAAT İdarəsinin həmin şöbəsində işgəncə altında saxlanılan fəalın həyatının təhlükədə olduğu bildirilir.
Azərbaycanlı fəallar molla rejiminin məmurlarına xəbərdarlıq edərək, onların kimliyinin müəyyənləşdirilib, gələcəkdə cəzalandırılması üçün yayacaqlarını bildiriblər.
