Çərşənbə axşamı , May 17 2022
azfa

Muğanlı deputatın şikayətinə görə rejim ərdəbilli jurnalisti şallaqladı

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində jurnalist və “Muğanın Ədalət Səsi” qrupunun admini Şapur Vuqar Muğanlı deputatın şikayəti ilə şallaq cəzasına məhkum edilib.

Jurnalistin Muğan (Parsabad) bölgəsinin İran məclisindəki deputatı Abbas Cahangirzadənin korrupsiya əməllərini ifşa etdiyi üçün onun şikayəti əsasında jurnalistə şallaq cəzası çıxarılıb.

Jurnalit Şapur Vuqar “deputatı təhqir etmək”də ittiham olunub və 74 şallaq zərbəsi ilə yanaşı 10 milyon tümən maddi cəriməyə məhkum edilib.

Şapur Vuqar həmçinin “Hökumət məmurlarını təhqir etmək”, “Yalan və töhmət xarakterli məlumatlar yaymaq” ittiham edilir. Muğandakı rejimin İnqilab Məhkəməsinin birinci istintaq bölməsinə çağrılan Şapur Vuqarın həbs olunma ehtimalı yüksəkdir.

Azərbaycanlı jurnalist bölgənin parlamentdəki nümayəndəsi Abbas Cahangirzadənin və yaxınlarının korrupsiya əməlləri və vəzifədən su-istifadə etmələri ilə bağlı yaydığı ifşaedici məlumatlara görə hədəf alınıb. Bu jurnalist bundan öncə də təzyiqlərlə qarşılaşıb.

Həmçinin yoxlayın

Enerji və tranzit: Tehran-İrəvan əməkdaşlığının ən mühüm sahələri

GADTB-nin Mətbuat Mərkəzinin “Azad İrana” istinadən yaydığı məlumata görə, İran Ermənistanla əlaqələri və əməkdaşlığını gücləndirir. …

Azərbaycan türkcəsini məhv edən İrandan məktəblərdə “fars dilini qoruma zəngi”-Video

GADTB-nin Mətbuat Mərkəzinə daxil olan məlumata görə, 40 milyondan çox türkün dilini qadağan edib, məhvə …