Çərşənbə axşamı , Noyabr 17 2026
azfa

Netanyahu: “İran hakimiyyəti öz xalqından qorxur”

Israel’s Prime Minister Benjamin Netanyahu attends the weekly cabinet meeting in Jerusalem on November 19, 2017. / AFP PHOTO / POOL / RONEN ZVULUN

GADTB: İsrailin baş naziri BMT Baş Assambleyasındakı çıxışında İran hakimiyyətinin hər şeydən çox öz xalqından və insanların azad informasiyaya çıxışından qorxduğunu bildirib.

Netanyahu deyib: “Biz qorxmuruq. Amma sizə deyim kim qorxur; Tehran diktatorları. Qorxan məhz onlardır.”

O, İrandakı etirazlara və internetə tətbiq olunan məhdudiyyətlərə toxunaraq əlavə edib: “Bilirsiniz, onlar ən çox nədən qorxurlar? Öz xalqından; uzun müddət ərzində çox böyük fədakarlıqlar etmiş cəsur İran xalqından.”

Netanyahu daha sonra əlində “Starlink” cihazı tutaraq bildirib ki, İran hakimiyyəti xüsusilə ölkə əhalisinin belə vasitələrə çıxışı olduqda narahat olur. O, “Starlink”i informasiyaya çıxış, fikir və ifadə azadlığından istifadə imkanı verən vasitə kimi təqdim edib.

İsrailin baş naziri həmçinin İran hakimiyyətinin internet senzurasına “milyonlarla və milyardlarla dollar” vəsait xərclədiyini deyib.

Netanyahu daha sonra iclasın sədrinə müraciət edərək “Starlink” cihazını ona verdiyini və cihazı İran İslam Respublikasının nümayəndə heyətinə çatdırmasını istəyib. O, kinayəli şəkildə əlavə edib ki, İran İslam Respublikasının nümayəndələri hakimiyyətdən getdikdən sonra “gec-tez” öz hekayələrini sosial şəbəkələrdə azad şəkildə danışa bilərlər.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …