Netanyahu: İsrail olmasaydı İran 10 il əvvəl nüvə silahı əldə edərdi

GADTB-nin Mətbuat Mərkəzinə daxil olan məlumata görə, İsrailin baş naziri Benyamin Netanyahu “Fox News” telekanalına müsahibəsində deyib ki, əgər İsrail buna mane olmasaydı, İran 10 il əvvəl nüvə silahı əldə edə bilərdi.

“İranın nüvə silahına sahib olacağına heç bir şübhə yoxdur. Əgər biz onların qarşısını almaq üçün müxtəlif tədbirlər görməsəydik, onlar yəqin ki, 10 il əvvəl orada olardılar. Biz onları yavaşlatdıq, lakin onları tamamilə dayandırmadıq”, – deyə o bildirib.